Just another WordPress.com site

Selbas, arbols, matas, flors e fongos

Ta pasar istas calores…Moliniello

 

 

…en a Bal d’a Garona.

 

                                                                           Sagardiana                                          


Que seiga bueno

 

224.JPG

Que seiga bueno l’orache ta ra chen con rasmia

129.JPG

que d’a fosca tierra quita l’augua y fa lumbre,

318.JPG

                         u en o rudiosa margen mana paz.                                 

                                                                                     Sagardiana   


… de abelletas territorio

borraja.JPG

Simpla borraina

que a lei d’arzilla manas dende o suelo.

abelleta.JPG

O pan , a luz y l’augua

amanezen cada día  con tu saya blanca.

Simpla borraina, 

d’abelletas territorio.

 

                                                                          Sagardiana

 

Grazias a toz por ixos comentarios zagueros que no iba poder publicar dica agora. A perdonar por o retraso, demano desincusas. Adedico iste chiquer poema a toz busotros. Ai! y grazias por estar astí.


Canta de Labordeta en Lengua Aragonesa

 

“M’aganaría estar pino”

 

 

M’aganaría estar pino d’un mon de lo Pirineo,

pa meterme todo blanco con la nieu de lo ibierno.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

Y en plegar a premabera, de acuquetas emplenarme,

izando ras rezias trallas, pa fesen niedos as abes.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

Os corders pa lo berano, chunto a yo s’acocharían,

acalorando en a sompra en que estiese meyodía.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

El otoño yo i bería, de colors, como as fogueras

as faus, caxicos y yo, tremolinos y nogueras.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

Y lo ibierno si benise, trozandonos pa bagueras

no i fa falta, diziría,

que no i quedan chamineras.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

 

 

N’iste enlaze sentirez a a canta:

 

             http://www.goear.com/files/external.swf?file=8f24c8b

                                                                                       

                                                                                          Sagardiana 


Esperanza

esperanza-7.JPG

                                                                               Sagardiana


“Predator global” versus “money, money, money”

 

A la de una… 

A la de dos…

A la de tres…

Soi umano, e qué?

                                                                                Sagardiana


Marzo por a Guarguera

1bucho-guarguera.JPG

Bienplegato sigas, bucho;

2cachico-y-pins-na-guarguera.JPG

 ista ye a casa tuya.

3garrapescaire-guarguera.JPG

Bienplegata sigas, garrapescaire;

4guarga.JPG

ista ye a tuya ripera.

5berdin-guarguera1.JPG

Bienplegata siga a tuya buelta,

premabera.

                                                                                             Sagardiana


Bideo de Greenpeace…a cruz d’a berdá

 

As imachens pueden ferir a tuya sensibilidá… 

As sensibilidaz poderban fer que isto nunca no estase zierto.

U alcaso

as sensibilidaz podemos fer que isto no pase nunca no pas.

                                                                                    

                                                                                       Sagardiana


Mil trazas de andar

1fagos.jpg

Mil caras en tiene l’ambiesta.

2do-kalarraga.JPG

Con mil güellos s’en puede mirar.

3mugas-no-suenio.jpg

De mil trazas marchar

4chupius-camins.jpg

por o mismo camín.

5ta-esnabesar-solenco.jpg

Mil piez írán t’adebán

6a-plebia-amorosia.jpg

por ista endreza.

7os-piez-y-lanima.jpg

Mil endrezas igual que ista en hay

8santa-maria-eremutako.jpg

cobaxo d’o mirar cutio

9fuellas-en-laire-cantan.jpg

d’as fuellas d’o tiempo.

10o-soniquete-de-laguerro.jpg

………

Puyán t’a muga de Okendo, dende Santa María Eremutako en Laudio, Araba. O retrato ye d’o mío “chirmán d’a plebia”Juan Mari en l’agüerro 2009. 

D’un retrato i feito mil…

                                                                                            Sagardiana


Simpla de bibir-ne

a12.JPG

Tan simplo ye bibir

como danzar sin prisa 

a la traza d’as bombollas.

a21.JPG

Como cantar a misma canta 

 que as chislas d’a plebizna cantan.

a31.JPG

Tan simplo como naxer al punto el día

con ganas de marchar una miqueta más,

a41.JPG

anque albitrios y consumos faigan  

que de pintacoda rematis n’a tardada.

a5.JPG

Tan simplo como luitar

ora par d’atra,

a61.JPG

y capir toz os intes de buen implaz.

Porque son l’unica cosa que’n habemos.

a7.JPG

Y anque embolicata en bienga la chornada

si femos os posibles, será simpla de bibir-ne.

 

                                           ……………………..                                            

 Os retratos de augua son d’a Laberca de Loreto en ista tardi de febrero plebiznero.

Lo paxaro ye un esparbel que acucutaba dende a linea de tensión de Cuarte.

                                                                                          Sagardiana

 


An paran as rosas?

1c2.JPG

En tiempos de brioletas

con zillos que de plebias

premabera encara, cosa nunzian…

1b2.JPG

as rosas ya se aparan

coloradas, dentre as fuellas

que rechitan y as biellas punchas.

1a2.JPG

                                                                                            Sagardiana


Rosada n’a Guarguera

115.JPG

Biene a rosada,

con as mans de chelo.

28.JPG

Con a mantilla blanca

d’os días frios,

37.JPG

amorosía n’as berdas fuellas,

d’os chinepros

3a3.JPG

chupitos rezos

y cantas tobas.

3b2.JPG

A mañanada, ranca con oras

y o esdebenir ancolinquetas.

47.JPG

China-chana, s’endrezan

os camins d’o meyodía

57.JPG

y cosa no xorronta ixa falaguera

que inamorada, d’a sudor d’o suelo,

65.JPG

de cada gota d’agua

fa una rosa.

72.JPG

Conbidada en ista puenda grisa

no rebla la color d’a molsa…

7a1.JPG

A selba, con l’espritu d’a fridor

s’emplena de silenzio,

84.JPG

de bozes que n’iste agüerro 

cantan en a ribera.

8a2.JPG

Por territorios de cosas simplas,

magenzia, en cada palmo tierra. 

8b2.JPG

Glarimas que de goyo

u penar serio,

94.JPG

amuestran firme, a consistenzia d’o ser

que n’iste orache, en torna

103.JPG

por cada nueba nafra,

zentenas de flors chelatas

116.JPG

y por duelos inombraples, bidres

que por as sompras

esluzernan.

 

                                                                                         Sagardiana


Aineto, molsa e augua

cajico-en-aineto.JPG

 Aimors d’encantaria, 

molsa d’os cajicos.

fuentes-aineto.JPG

Carizias n’a piedra,

dende Aineto baxan.

guarga-con-nieve.JPG

Marchan enta’l  Guarga,

con a nieu

e l’augua.

                                                                                    Sagardiana

 


Amo ibierno

apies.JPG

 Pardo l’orache, boiras grisencas.

Fridor aimada,

primera nieu.

tronca-nevada-2.JPG

 Bas plegar

enta iste puesto d’aügua,

que, ta tu, parada 

agua-de-bones-y-nieve.JPG

reza:

“Amo ibierno,

 toma de l’agüerro

a tuya pertenenzia”.

 

                                                                                   Sagardiana


Selba d’agüerro en Chistau

 

12.JPG

 

22.JPG

 

32.JPG

 

42.JPG

 

51.JPG

 

63.JPG

 

82.JPG

 

8a.JPG

 

9.JPG

 

101.JPG

 

111.JPG

 

13.JPG

 

122.JPG

 

14.JPG

 

15.JPG

 

16.JPG

 

17.JPG

 

18.JPG

 

201.JPG

 

19.JPG

 

211.JPG

 

221.JPG

 

23.JPG

Grazias por a correuzión, Rafel

pero, ta yo que…Chistau no en porta, de tochez, denguno.

(creigo, eh)

                                                                    Sagardiana


Plega l’agüerro, con a zaguera luz de setiembre

ya-empieza-el-otono-a-hacer-de-las-suyas.JPG

 Aurín n’as fuellas,

ulor d’agüerro

cambiara-el-color-del-agua.JPG

que l’augua en porta,

bal t’abaxo

cardos-mariposas-septiembre.JPG

y en as yerbas xutas,

s’apedeca.

 pasa-el-verano-pasa.JPG

Aurín, n’as nanas

d’a chunguera

llega-el-otono-con-su-luz-luminosa.JPG

y n’os lulos royos

d’a gabardera.

calienta-el-sol-a-la-tarde.JPG

Aurín qué,

setiembre adora,

de-los-chopos-quedara.JPG

por os suelos

a simiente acuna.

 al-sol-que-mas-calienta.JPG

A boz d’a plata,

d’aimors con l’estíu,

septiembre-2009-preciosidad.JPG

cariños en a balsa,

plora.

 pasa-tan-rapido.JPG

Plega l’agërro

y o frío plega.

por-el-agua-no-por-los-suelos.JPG

Plega la mansa

y toba

 senal-como-en-las-piedras.JPG

siñal que,

a puenda que se abiene,

  otono-2009.JPG

nueis de zierzo

y plebias, nunzia.

 

                                                                                Sagardiana


Quema de San Gregorio…unatra algarada

 

 Cualsiquier puesto d’o mon

que se’n quema…

Ista bez, San Gregorio

quema-de-san-gregorio-atra-algarada.JPG 

O fumo d’a quema que campa por a Ribera Alta

y as Zinco Billas.

quema-de-san-gregorio.JPG

Asinas s’en bei,

a ixo d’as ueito y meya d’a tardi,

dende a Laberca de Loreto

en a Plana de Uesca.

Y asinas puede estar qué

bella curruca zarzera

igual que ista, d’atra quema,

  

en i aiga teniu a suerte

de escapar…

Encara que, puede estar que solo qué

de momento.

 

Qué pena.

                                                                              Sagardiana


Laberca de Loreto…abentura cutiana.

 

 

Astí deban, asti mismo

n’hay una abentura..,

no cal marchar muito luén.

Al canto Uesca… 

bolandrina-en-loreto.JPG

As bolandrinas campan a raso l’augua,

en a Laberca de Loreto.

 

Fa calor, caloriza…

compartiendo1.JPG

As birabolas, a cual más pincha, 

d’asti t’allá,

con muita faina.

patita-preciosa.JPG

L’aneda mira de que no beiga as crietas

(5 l’en i contau…)

salicaria1.JPG

As flors d’as pauls tambien medran por astí.

carricero2.JPG

Ista mosqueta canta todo’l día,

encara qué, de maitín, le’n cuaca más.

esmeralda1.JPG

Cucos n’hay a zientos, de muitismas colors.

chorlitejo-a10.JPG

O chorlitejo me se mira fito-fito

(por si las moscas)

que-rico.JPG

Ista birabola está de buen año.

garcillas-bueyera.JPG

Tornan as garzetas, de Baldabra y d’a Sotonera.

alica1.JPG

Uyyy, l’alica qué quiere berendar…

dsc06637.JPG

¡Jibo!…ascape marcha o gallico de San Martín.

dsc06538.JPG

Cadaguno a lo suyo

¡qué aprobeite!

dsc06816.JPG

Parize mentira qu’en aiga

tanta de chen en iste terreno.

Será l’augua?

garcillas-con-mama-2.JPG

A tardi pasa amonico,

pero pasa.

somormujo1.JPG

Luego se’n irá a dormir o somormujo…

dsc06539.JPG

Y o zaguer rayez de sol

marchará por Torresecas.

garcillas-con-mama-1.JPG

De nueis,

solo qué se sentirán

granotas

y mochuelos.

 

 

                                                        Sagardiana


Luminetas

 

 

No todo ye lo que aparenta…

 

Ye a mar?

boira-preta-na-plana-de-uesca-dende-o-pico-lalica.JPG

No, no pas.

 No ye a mar d’auguas salatas, no.

Ye a boira preta, mesa n’a Plana de Uesca.

 

………

 

Chiran as ruedas?

ruedas-y-cuadriculas.jpg

Qué u quí en fá chirar?

 

………

 

Un gúetre bolán e a suya  sompra?

guetres-por-badiello.JPG

No, no pas.

Son dos güetres, bolán por Badiello…

Solo que uno en biene y l’altro se’n ba.

 

………

 

Os ruellos s’enruellan?

cilindros-752494.png

Luminetas d’os tuyos güellos?

………

 

´Flors de cotón?

flors-nebatas.JPG

No, no pas.

 Ye a zaguera nieu d’abiento, n’a Sierra de Bonés,

amorosiando as matetas de cabezuda.

 

(Ta o día d’os Inozens, ta que nunca no pas, nos dexemos d’engañar con a primera bista…Encara que, de begadas, sigan millors os suenios que a reyalidá)

                                                                                  Sagardiana

 


Ababol d’a Bal d’a Garona

papaver.jpg

Así de poliu i yera iste ababol en o sembrau, ista premabera, con la d’augua que en ba caer por as articas.

Ista tardi, en primers d’agosto, me’n fue a dar buelteta por a Bal…y en trobé muitismo ganau suelto por o camín, bacas y betiellos.

N’a Pardinilla de Bentue, una pila caballos.

Por as margenes, bella perdíz con 6 u 7 perdiganas dezaga, pizpiretas y bien cutietas.

A yo, en agosto, no me se feguraba mesejante espectaclo.

Atras puendas l’ambista yera mas secarrera, pero as plebias d’abril ban benir a meter ista color.

As obellas y a crabetas por o río feban musiqueta, sonaban una bentena d’esquilas y un esquilón, cobaxo a Garoneta Biella,mientres un aire de pelicula remenaba as fuellas d’os buchos, sanguiños, salzeras, azerolleras y caxicos.

Dimpués buelta ta casa, con o peito y os libianos bien fartos d’aire puro y o corazón goyoso de saper que a mía bal encara ye biba.

Grazias por ixo, a la chen que i bibe y en fa florezer cada día.

L’ababol bá por els y ellas.

Salú.

 

 

                                       Sagardiana

 


Desincusas:

setitas.jpg

O benién post, no sé si ye estau escrito entre que en beniba y se’n iba un tierratremol por istas sierras.

A cosa ye que, de sopetón, cuan en beigo publicau, astí, debán d’os güellos…Qué algarada!

Ya en beyerez, zinco u seis fotos d’un fayar…en catafila…una ringlera copias en metá d’o testo…

Ixo me pasa por no mimarme-ne a bista preleminar. Qué torrollón!

Bueno, solo que ta demanarboz desincusas son istas líneas.

Salú y a plantar fuerte!

                                                                         Sagardiana

(A catafila fotos ya no i ye. A la fin me he metido a parar una miajeta o post. Ah! Y de tierratremol, cosa.)


Tresoros

hayal-de-gala.jpg 

A istas alturas, por as selbas d’azirons y fayos, en os pacos d’os puestos más alteros d’a sierra, amanexen tresoros.

Por cualsiquier rincon asuman os fongos…azuls, pardos, de todas as colors…si ye año d’augua.

En que plegan as primers tronadas de l’estíu a fiesta prenzipia…a ulor a mon chupiu, os rayez de llum por entre meyo as fuellas, que baxan ta amorosiar o suelo…a molsa en os cantos d’as piedras, a canta de l’aire por a selba.

Si toz puyaz por o lugar d’Arguis, en pasar as casas, por a carretera que’n ba ta Bentué de Rasal, en o primer esbarre a mán cucha pillarez una endreza que puya enta un d’os millors rincons de toda la redolada… a selba de fayos de Gratal.

Dende astí alto, se’n puede bier toda la Plana de Uesca y a Sotonera y en días clariscos…o Moncayo.

O pico de Gratal y o món Peiró son os zaguers reductos de clima ozeanico, más enta l’orien, n’as sierras esteriors de Uesca.

Por ixo, que i bi ye iste fayar, amostrando a suya berdor d’entre as calizas.

Si toz cuaca de benir…por astí i soy, a la fresqueta d’un buxo.

 

                                                               Sagardiana