Just another WordPress.com site

Bichos

Que seiga bueno

 

224.JPG

Que seiga bueno l’orache ta ra chen con rasmia

129.JPG

que d’a fosca tierra quita l’augua y fa lumbre,

318.JPG

                         u en o rudiosa margen mana paz.                                 

                                                                                     Sagardiana   


Quí ye ixe qui soy?

128.JPG

O zielo e o infierno.

223.JPG

A libertá.

317.JPG

Un anchel.

417.JPG

Un diaple.

517.JPG

Quí ye ixe qui soy?

610.JPG

diaple u anchel?

75.JPG

anchel u diaple?

 

                                                                               Sagardiana


Paxaro e yerbalinias

pillan-yerbetas-2.jpg

Amaneze, borrasca, tiempo nublo

una  grán notizia

cruzas? pasan as grudas

¿ta qué marchar?  tiempo muerto

dos menutos a pré d’uno. Eternidá.   

 

                                                                                    Sagardiana


Ixo que yo quiero

gabina.jpg

Aire.

Alas.

Camín.

 

                                                                       Sagardiana 


Suerte

 

a2.jpg

Dentre os camals d’a figuera

 

b.jpg

bella bez se siente a boz

 

c.jpg

d’o reisiñor.

 

                                                                                       Sagardiana


Crisis Predator

manetas-de-santa-teresa.jpg

A fambre a por l’ombre

con l’angruzia en biene.

Crisis.

D’os xutos cuerpos arguellaus

ordeñan sangre as bestias.

Crisis.

L’angruzia a por más sangre

plegar s’en siente.

Crisis.

Y a fura mantis, manetas de teresa,

mincha, bibe y bebe

                       d’a sangre d’a fambre.                         

  Crisis

                                                                             Sagardiana


Falaguera

127.JPG

En a puenda d’os enzelos

con falaguera

marchan os bolitos

por a laberca.

                                                                       Sagardiana


Nomadas, caminaires, …

1nomadas.JPG 

 

 

2nomadas.JPG

 

                                                                                      Sagardiana 


Fridor mineral

esperanza13.JPG

A birabola parda de l’urmo espullau

 en abril baxaba.

Igual que una fuella

bolito ent’o suelo endrezaba;

Dende os camals que ro zielo tocan

enta ra tronca que a os camals refirma.

Dende a tronca enta o fridor mineral

d’a guega d’o suelo y más tabaxo;

si ese podíu más entabaxo.

As colors y a guambra

a ra fín d’o biache 

debuxón n’o suelo ro mío corazón cayíu.

    ………         

 

                       

Retrato feito en l’armita de Loreto ayer 2 de abril. En primeras pensé que yera una fuella de l’urmo que en hay en a plazeta, pero dimpuesas paré en a cuenta de que yera una birabola.

                                   

                                                                               Sagardiana


Cosas d’a soledá

a10.JPG

Solo que a mirar, s’amana.

Ni respiro. Solo que miro.

a14.JPG

 

N’a soledá, iste paxarer,

cuasi  me ampara d’o frío.

………

 

      

 

Ista tardi, en a Laberca de Loreto, yera mirán a danza d’as fochas cuan sentí una canta: “i uu, i uu”. 

Me miro t’alto y denzima de yo me se yera mirán iste paxarer.                         

 

                                                                                          Sagardiana


As paxaretas de mai

126.JPG

Se dizen “lavandera blanca”, en luenga castellana

220.JPG

por Aragón belgunos les ne dizen “engañapastors”

315.JPG

A mía mai les dize “paxaretas d’as nieus”

Por a laberca de Loreto, en una tardi con a mía mai que m’en dizió: “fa un retrato a ixas paxaretas d’as nieus, que i son prou pinchas astí plantadas”

                                                                                Sagardiana


Yan {P} en biache

aaa.JPG

 

Cobaxo un zielo fosco

bolitos s’endrezan

ta un maitín

de luz.

 

                                                                 Yan, sagardiana

 

Adedicau ta un amigo, muito buen amigo, ta un mayestro en l’arte d’a parola. Ta un amigo que ye luen, tan de luen como a mán. Y a más ta un amigo ta cutio. Grazias por estar astí, perén.


Marzo por a Guarguera

1bucho-guarguera.JPG

Bienplegato sigas, bucho;

2cachico-y-pins-na-guarguera.JPG

 ista ye a casa tuya.

3garrapescaire-guarguera.JPG

Bienplegata sigas, garrapescaire;

4guarga.JPG

ista ye a tuya ripera.

5berdin-guarguera1.JPG

Bienplegata siga a tuya buelta,

premabera.

                                                                                             Sagardiana


Regles d’a Lei natural

125.JPG

219.JPG

314.JPG

415.JPG

515.JPG

                                                                      

Güé ye o cabo d’año de Felix Rodriguez de la Fuente.

Quiero meter astí ro mío omenache a ra suya presona, cuala fizo que yo mirase ro mundo que me arredolaba d’atra traza.

Felix, con as suyas imachens y parolas, ficó en mí l’angruzia por estar-me ta cutio en o monte, con güellos y orellas prestos.

Memoria ta él y ta tantos atros que fizón que a chen parase cuenta d’os tresoros que en habemos n’a Tierra.

 

                                                                                          Sagardiana


Bibir ye lo que en queda

larrano-grande-gorbea-al-fondo-juanmari-2.jpg

En días tristos, cuan a chen s’en ba…

Cuan s’en ban, anonimos, tantos y de tantas trazas,

bibir una mica más ye lo que en queda.

Solo que ixo nos queda.

Bibir.

                                                                                   

 (Chicotón omenache ta Miguel Delibes, escritor castellano d’a tierra y sus chens)                                  

                                                                                          Sagardiana

 

Lo retrato ye feito en Larraño Grande, Laudio, Araba. O ganau ye d’un amigo d’o mío “chirmán d’a plebia” Juanmari,  que no para de sacar a camara de retratar por o monte y tira istos retratos así de polius. O Gorbea s’en beye bien pincho más entallá y al atro costau lo Cantabrico, encara que no s’en beye se ulora dende astí alto.


De cara t’a premabera

12.jpg

Cosa s’atura n’o mundo

22.jpg

zinclean os planetas;

32.jpg

s’enzelan.

414.JPG

Alufrán l’orache, miran

514.JPG

de meter en o tiempo danzaire

68.JPG

trangos nuebos.

74.JPG

Cosa s’atura en cada planeta;

8.jpg

zinclea o tiempo.

9.jpg

………

Laberca de Loreto en a tardi d’o 6 de marzo, a 15 días d’a premabera. As aus tienen prou de faena, parando niedos.

                                                                                          Sagardiana


Gabinas n’o suenio

1a.jpg

Ista begata ra bista no engaña.

2.jpg

Sí?

3.jpg

No?

4.jpg 

Conzietos de guambra,

5.jpg

 de ilusión no pasan.

6.jpg

Sólo que luminetas son

7.jpg

ta iste corazón que aguarda.

 

  As gabinas patiamariellas son retratadas en a laberca de Loreto, a tarde que a borrasca Xynthia pasaba por astí. 

                                                                                           Sagardiana


Xynthia por a laberca

 

21.jpg

Fotis qué orache!

31.jpg

                                                                   Sagardiana

 


Paso de grudas por Loreto

012.JPG

Azul, azul, azul está la tarde…

124.JPG

Se siente a boz d’as grudas.

218.JPG

Bolito, plumón y canta biachers

313.JPG

cara puerto.

513.JPG

China chana bolán, bolán, bolán…

67.JPG

Mirán de i plegar,  pase o que pase.

73.JPG

Azul, azul,

l’orache yera güé tan de azul…

                                                                                          

                                                                                              Sagardiana


Simpla de bibir-ne

a12.JPG

Tan simplo ye bibir

como danzar sin prisa 

a la traza d’as bombollas.

a21.JPG

Como cantar a misma canta 

 que as chislas d’a plebizna cantan.

a31.JPG

Tan simplo como naxer al punto el día

con ganas de marchar una miqueta más,

a41.JPG

anque albitrios y consumos faigan  

que de pintacoda rematis n’a tardada.

a5.JPG

Tan simplo como luitar

ora par d’atra,

a61.JPG

y capir toz os intes de buen implaz.

Porque son l’unica cosa que’n habemos.

a7.JPG

Y anque embolicata en bienga la chornada

si femos os posibles, será simpla de bibir-ne.

 

                                           ……………………..                                            

 Os retratos de augua son d’a Laberca de Loreto en ista tardi de febrero plebiznero.

Lo paxaro ye un esparbel que acucutaba dende a linea de tensión de Cuarte.

                                                                                          Sagardiana

 


Laberca de Loreto

 

 

Aspero que toz faiga goyo lo bideo… 

Son muitas oras por a laberca, muitas oras con as aus que andan por iste puesto.

A berdá que ye un terreno prou pincho, a pocos menutos de Uesca ziudá.

                                                                                         Sagardiana 


Bolaco, l’au nigra

 

c1.JPG

 

Bolaco que en portas l’anima entalto.

Enta os fenals y os praus, por as tucas grisas

por a soledá d’os puertos;

d’os míos güellos ranca la luz zaguera.

Y con o tuyo bolito 

endreza por l’aire d’a tierra

a mía bida benidera,

o mío nuebo camín. 

 

………

Si en hay un au, predileuta ta yo, ixa ye o bolaco.

Cuan yes por as tierras altas, a suya boz crebán lo silenzio, ye machica. No en hay soníu tan clatero como ixe.

Y si son callaus…l’aire charra por éls, cuan chufla fosco por as suyas plumas alars.

Ye cuasi que una canta a ra libertá. Cuasi.

Cuan siga grán…quiero estar bolaco.

 

                                                                                         Sagardiana

 


Chirmans

recuerdo-de-verano.JPG

                                                                  

   Arnaleros por a laberca de Loreto, estibo 2009 

                                                                                                            Sagardiana


Sin d’endreza ni siñals

 141.JPG 

A paso menudo

y güellos pasachers,

por as margenes de l’augua;

215.JPG

como as aus d’a laberca, si podiese

sin d’endreza ni siñals,

marchar… 

 

                                                                                             Sagardiana