Just another WordPress.com site

Archivo de Autor

O can que no ploró por l’amo

momificado

No ye de piedra…

No ye feito por un fustero…

Tampoco no s’ha meso n’un bardizal…

Sólo que ye

o can d’un faraón d’ixos, qué

ta estarse bien acompañáu n’a  fuesa

l’en sacó l’o crapazín … 

e se l’en portó ent’a l’atro mundo,

ta ixe que marchan os grans furtaires.

E iste cuento,  por a chaminera s’ha escapáu?

Pues ba estar que no, qué

en istos tiempos, o imperio d’os diners

fa momias toz os días…en o reino d’s bibos.

A la fin…as cosas no ban cambear.

                                                                                                                                         Sagardiana


Vídeo

A negror d’o biso, a blancor d’asbesto…as colors d’iste mundo maldau

Güé m’alcuerdo de Bopal, m’alcuerdo de Chernobil, m’alcuerdo d’as selbas d’America feitas fogarita, m’alcuerdo d’os ninos e d’as ninas soldau, m’alcuerdo…

Güé m’alcuerdo de Bopal,  m’alcuerdo…

Güé ya no i son belgunos d’os que ayere treballaban en as maldadas casas de tintura u en os maldaus tellaus d’as casas, u en as calderas e furnos….

 Sagardiana


(AUM)

 

 

                                                         Si puez escapar d’o mundanal rudio, noragüena.

                                                                  (Encara qué,  solo que siga,  prexinando)

 

                                                                                                                                                                                   Sagardiana


Vídeo

Goyosa Nabidá!


Chuan de Lanuza V, In Memoriam

 

Juan de Lanuza V, Justizia Mayor d'o Reino d'Aragón

Por esfender os Fueros e Oserbanzias.

Por dexigir as Libertaz e os Dreitos.

Por enfrontinar-se con a Inquisizión.

 

Por chilar con os aragoneses:  “Contrafuero e biba ra Libertá! “.

Chuan de Lanuza V, Chustizia Mayor d’o Reino de Aragón,

fuó decapitáu

 en a Plaza d’o Mercáu de Zaragoza

o maitín d’o 20 d’abiento de 1591,

por orden d’o Rei de Castilla Felipe II.

 

E a suya capeza, de muestra al raso,

estió cuatro añadas…

ta escarmiento cheneral.

 

Nunca no pás sublidare-mos ni a suya presona

ni o suyo nombre

ni o suyo quefer.

 

                                                                                                                                  Sagardiana

 


De qué son feitas?

 

 

– A qué cosa que aturas?

N’on beyes que n’hai tronada?

No podemos bolar n’istas malas boiras!

  

– Dexa que m’en quede alufrán

de que son feitas

ixas zendellas que m’ espantan.

 

– E si a berdá t’aconorta?

 

– Allora habré de marchar t’adebán

sin miedo a o miedo.

 

  

                                                                          Sagardiana

 

 


Bien se bale qué…

sagardiana-blog.JPG

…o fuego d’os suenios

no crema.

                                                      Sagardiana


Nezesidá

Co-cu, canta ra granota

419.JPG

Co-cu, n’a poza esmediada.

Co-cu n’iste estibo furo

418.JPG

solo quiero que a mosica

a16.JPG

de l’augua.

                                                  Sagardiana

 


Ta pasar istas calores…Moliniello

 

 

…en a Bal d’a Garona.

 

                                                                           Sagardiana                                          


Bielsa…canta en o puerto biello

 

                                                                        Sagardiana


Que seiga bueno

 

224.JPG

Que seiga bueno l’orache ta ra chen con rasmia

129.JPG

que d’a fosca tierra quita l’augua y fa lumbre,

318.JPG

                         u en o rudiosa margen mana paz.                                 

                                                                                     Sagardiana   


A garra suelta

sagardiana-2.jpg

 En que poco plega o suenio

si a paz nos acompaña.

sagardiana-1.jpg

 

                                                                                Sagardiana


… de abelletas territorio

borraja.JPG

Simpla borraina

que a lei d’arzilla manas dende o suelo.

abelleta.JPG

O pan , a luz y l’augua

amanezen cada día  con tu saya blanca.

Simpla borraina, 

d’abelletas territorio.

 

                                                                          Sagardiana

 

Grazias a toz por ixos comentarios zagueros que no iba poder publicar dica agora. A perdonar por o retraso, demano desincusas. Adedico iste chiquer poema a toz busotros. Ai! y grazias por estar astí.


Mediano…sublido e onra

mediano.jpg

 

O mío lugar, ya no i ye;

s’afogó en o zienego.

S’amortón a chenta, l’aire

as risas, os pasos,

o mormor d’a fuen…

 

E a penar de tot e con ixo

a mía sangre de piedra, fizo

que nunca no yo reblase

ni una mica.

 

Astí soi, plantada

goyosa de alentar

por denzima l’augua.

 

E a mucha onra!

                                                                                Sagardiana


Quí ye ixe qui soy?

128.JPG

O zielo e o infierno.

223.JPG

A libertá.

317.JPG

Un anchel.

417.JPG

Un diaple.

517.JPG

Quí ye ixe qui soy?

610.JPG

diaple u anchel?

75.JPG

anchel u diaple?

 

                                                                               Sagardiana


Paxaro e yerbalinias

pillan-yerbetas-2.jpg

Amaneze, borrasca, tiempo nublo

una  grán notizia

cruzas? pasan as grudas

¿ta qué marchar?  tiempo muerto

dos menutos a pré d’uno. Eternidá.   

 

                                                                                    Sagardiana


Ye berdá?

 

Ye berdá ixo que m’amostrón n’a escuela?

Ixo que leyé n’os libros?

Ixo que m’en dijón pai e mai?

Ixo que yaya m’en contó?

 

En ye berdá ixo que deziban toz

que yera berdá?

 

aprender.JPG

 

Si no estase berdá…

ta que tanto aprender?

 

E si estase zierto

que a berdá s’aprende…

cuala berdá ye ixa que s’amaga n’o papel?

A buena berdá?

A berdá ofizial?

A berdá a meyas tintas?

A mala berdá?

A berdá berdá?

 

 

 

                                                                                         Sagardiana

 


A nuestra casa

 

 

A tierra ye un chiquer planeta

d’una estrela chicota,

en o canto d’una galaxia mediana

adintro d’un uniberso

de trillones

trillones…

…trillones

de galaxias

con estrelas

e planetas…  

 

Adintro d’ista piedreta

chiramos por  l’uniberso.

 

                                                                                            Sagardiana


Canta de Labordeta en Lengua Aragonesa

 

“M’aganaría estar pino”

 

 

M’aganaría estar pino d’un mon de lo Pirineo,

pa meterme todo blanco con la nieu de lo ibierno.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

Y en plegar a premabera, de acuquetas emplenarme,

izando ras rezias trallas, pa fesen niedos as abes.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

Os corders pa lo berano, chunto a yo s’acocharían,

acalorando en a sompra en que estiese meyodía.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

El otoño yo i bería, de colors, como as fogueras

as faus, caxicos y yo, tremolinos y nogueras.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

Y lo ibierno si benise, trozandonos pa bagueras

no i fa falta, diziría,

que no i quedan chamineras.

 

Si fese fagüeño, chuflase l’ausín

u sofla ixe zierzo, yo plantau aquí…

Yo plantau aquí.

 

 

 

N’iste enlaze sentirez a a canta:

 

             http://www.goear.com/files/external.swf?file=8f24c8b

                                                                                       

                                                                                          Sagardiana 


Treballar

Lo treballo ye l’alazet d’una bida digna.

En istos tiempos que corren, suena ista canta.

Istas bozes suenan igual como antis.

Igual como antis, toz os treballos

son l’alazet d’a dignidá.

 

                                                                             Sagardiana

 

A mosica d’o bideo ye d’a  Bullonera, que chunto a Carbonell y Labordeta, desancharon por iste país en tiempos de sequera, muitas letras d’animo y protesta.

                                                                     


Ta cutio, compañero!

 

In memoriam

José Antonio Labordeta Subías

                                         

                                                                                             Sagardiana 


Ixo que yo quiero

gabina.jpg

Aire.

Alas.

Camín.

 

                                                                       Sagardiana 


Suerte

 

a2.jpg

Dentre os camals d’a figuera

 

b.jpg

bella bez se siente a boz

 

c.jpg

d’o reisiñor.

 

                                                                                       Sagardiana


Mirar-se

soledadd.JPG

En os suenios se’n troban

os güellos que beyen

de nueis.

compania.JPG

                                                                       Sagardiana