Pico L’Aguila, 12/12/2009 (boira baxa)
No en hay,
de luz más fría
que ixa, que con a tardi s’amorteze.
Solo que alumbrando, se consume
con as colors d’o día.
Tobamén.
A la traza d’a boira baxa.
Y o sol
por más que aflama o zielo,
tampoco no,
a calentar l’orache,
adube.
(Mirán dende’l Pico l’Aguila, en a Sierra Guara, enta’l Norte, l’Orién y o Sur-Oeste…ista tardi que chelaba, y no ni-eba maneras de calentar as mans, difuera, al raso.)
Sagardiana
sagardiana 
¿Por qué me parixe que en cuenta de seres espirituales l’umanidad la componemos seres climáticos?
Salud y óptima boira preta
diciembre 15, 2009 en 11:38 pm
Seres climaticos?
Nunca no pas eba sentiu yo ixo, Aragonia.
Por pensar una miajeta…podría estar que o clima, en tiene bella traza d’anima amagata?
No se que dirían os biellos espritos…ixos que diz que abitan por as selbas, por as pauls, por as piedras…
diciembre 17, 2009 en 12:31 am
Puede estar que as estazions sigan asinas como as fadas n’as falordietas d’as lolas. Personaches que con as suyas baretas maxicas cambean as colors d’o paisache seguntes pasan. A fada de lo inbierno ya feito a faina antis de tiempo
Cal domandar-ne a os rondadors de Boltaña, creigo que en sus cantas abundan os sers maxicos siempre amagaus.
(¡Ah y desincusa as mias esgarradas a la gramatica y a lo dizionario)
diciembre 17, 2009 en 9:01 pm